Amen cu Sanger
Amen cu Sanger
Back Cover
Look Inside

Amen cu Sanger (Hard Copy)

(7 customer reviews)

‘Amen cu Sanger’ ta conta e storia di Alex; un hoben homosexual cu ta lidia diariamente cu e homofobia di un bario conservativo y religioso.  Obsesiona pa recupera e amor di su mama, e ta lentamente cuminsa perde su mes den e sombranan di su mente. Prisonero di un bida violento, e lo siña cu tin un scuridad hopi mas profundo cu esun di anochi, un scuridad hopi mas perturbador cu esun di cieguedad. Un scuridad cu ta reina for di e profundidadnan infecta di curason y almanan indoctrina. Amen cu Sanger ta un buki cu ta pusha e baricada confortabel cu ta existi den Aruba su cultura literario. Cu topiconan manera sexualidad, violencia, religion, depresion y prostitucion, … e buki ta tribi di hinca dede den e heridanan di nos comunidad.

20,00

Available on backorder

Categories: ,

Sexualidad ta un tema cu te dia di awe ta causa hopi controversia. Entre e amienda di Union Civil cu a keda pega ariba mesa di gobierno y e discusionnan fuerte cu ta lanta cada bes cu e tema di homosexualidad aparece ariba medionan social, ta keda mas claro cu e tema aki ainda ta polarisa. Pa Joshuar Gomez, e tabata hopi importante pa skirbi un buki cu ta conta e experiencianan homosexual, for di un perspectiva Arubiano.

“Mi ta kere cu aceptacion ta un sintimento cu ta nace solamente for di un luga di identificacion. Pa e ser humano ta mas facil pa ta tolerante y comprensivo na momento cu un storia aheno tin un cara conoci. Pa con dificil of inconfortabel e storia aki porta ta, e cara conoci lo semper humanis’e. Di mesun forma, ta facil pa husga y dihumanisa e storianan cu nunca ta haya bos. ‘Amen cu Sanger’ a nace for di e necesidad pa e identificacion aki. Mi ta kere cu ta ora pa e experencianan LGBT wordo conta for di perspectivanan crioyo. Storianan di nos mesun hendenan, conta den nos propio lenga Papiamento.”

‘Literatura mester kibra baricada di taboo’ E meta di e autor ta pa pusha e baricada confortabel cu a wordo crea den e cultura literario na Aruba, unda ta invadi skirbi riba temanan taboo of controversial. Su obra ta conta e storia di un mucha homber homosexual cu ta haya su mes confronta cu temanan di violencia basa riba odio of ignorancia, religion su rol den forma mentalidadnan encuanto sexualidad, depresion, prostitucion y hopi mas. Cada capitulo ta introduci personahenan cu e Arubiano por facilmente reconoce of identifica su mes cu ne.

‘Amen cu Sanger’ ta un buki cu tin varios aña den proceso y finalmente Joshuar Gomez ta logra public’e. A purba public’e un par di aña pasa, pero tur e portanan na unda el a bati, a bisa cu Aruba no tabata cla pa un buki asina. Pero den colaboracion cu Papiamentistanan Zuleika Silva y Mila Zambrano, e buki awor ta riba mercado.

Joshuar Gomez

WRITER, POET, BUSINESSMAN

Joshuar Gomez (1996) ta un autor Arubiano y a publica su prome obra literario 'Amen cu Sanger' na 2020. E ta escritor cu ta skirbi tocante temanan tabu y ta centra su trabou rond di e tema di Identidad Cultural y Racial. Joshuar ta co-fundado di Red Soil Publishing y actualmente ta trahando ariba diferente proyecto pa erikese Literatura Arubano.

Weight 0.3 kg
Dimensions 14 × 1.376 × 21 cm
Publisher

Red Soil Publishing

Year

2020

Language

Papiamento

Format

Soft Cover

Author

Joshuar Gomez

Author

Joshuar Gomez

Publisher

Red Soil Publishing

Share your thoughts!

5 out of 5 stars

7 reviews

Let us know what you think...

What others are saying

  1. monicabremo

    Must read!

    monicabremo (verified owner)

    Amen cu sanger ta un tremendo buki. Tanto pa e manera con e autor a skirbi’e, como pa e storia cu e ta describi. E storia aki ta pone bo hari, yora, yena bo cu rabia y frustracion. E ta habri bo wowo pa e sufrimento cu hobennan lgbtqi+ ta pasa aden riba nos islanan. E buki aki ta ofrece e posibilidad pa lesa tocante un problema grandi riba nos islanan, den nos mesun idioma. Sin duda un tremendo buki cu ta merece haya hopi mas atencion.

    (0) (0)

    Something wrong with this post? Thanks for letting us know. If you can point us in the right direction...

  2. sanchezana9627

    Amen cu Sanger

    sanchezana9627 (verified owner)

    Nos no tabata cla p’e!! Y nunca nos lo a tabata!!! Joshuar bo a logra capta nos attencion y conmove nos sin duda cu bo obra literario. Bo a sacudi mente cu e taboenan cu te dia di awe ta oprimi nos islanan. Bo a ilustra karakter tipiconan di nos hendenan y yena nos cu goso di e humor cu bo a hinca den e storianan. Mi ta sumamente proud dibo, mi amigo, mi ta tin e honor pa caba e buki aki y yama bo dibiaha cu awa na mi wowonan, pasobra mi no a spera e final! THIS IS A MUST READ😍👆📖 Amen cu Sanger ta e definicion di bo placa na balor di un buki pa bo lesa cu un mentalidad habri y cu un man na bo curason. ❤️

    (0) (0)

    Something wrong with this post? Thanks for letting us know. If you can point us in the right direction...

  3. One person found this helpful
    Roseidys Primera

    No duda, cumpr'e y les'e. Y bo no lo ta desapunta!

    Roseidys Primera (verified owner)

    Un buki cu ta briya lus riba e partinan menos bunita di nos comunidad Arubano. E parti cu nos sa cu ta pasa pero nos no kier admiti cu e ta pasa of ta kies pa keda keto. Violencia contra hende muhe, violencia domestico y maltrato contra hende homosexual y hende cu ta otro y cu ta desvia di e tipico imagen di un hoben homber of muhe Arubano.

    Loke mas mi a admira ta con bon skirbi e buki ta y con lihe e buki ta gara bo pa bo sigui les’e. Como un Arubano cu a lanta na pariba di brug y awor bibando na Hulanda, bo ta sinti manera bo ta na Aruba, bo ta sinti e aire, laman y e calor! Y bo ta sinti tur e emocion nan cu Alex ta sinti.

    Apesar di con tremendo e buki ta, mi a sinti cu e fin di e buki a pasa hopi liher. Ma gosa di e detayes y ritmo tranquilo con e storia a wordo conta den e prome mitad.

    Al met al, un buki cu merese pa wordo lesa door di pueblo henter di Aruba, especialmente hoben nan queer di pariba di brug cu kier lesa di nan bario y sinti nan mes representa.

    Spera di lesa hopi mas buki di Joshuar Gomez, buki nan tristo pero tambe contento cu ta conta storia nan tocante topico nan taboo.

    Hopi orguyoso di bo tremendo obra!

    (1) (0)

    Something wrong with this post? Thanks for letting us know. If you can point us in the right direction...

  4. Franchesca Gomez

    Un buki pa pone bo yora!

    Franchesca Gomez

    Wawww!!
    Un buki cu hopi emocion, dolor, tristesa y mas e realidad cu tin akinan na Aruba.
    Bon trabou! Sigui inspira y haci consciencia na mayornan y comunidad pa e daño cu hende ta haci na ora di discrimina y no acepta un persona.
    Sooo proud of you!! … M’a yora hopi mes!!

    (0) (0)

    Something wrong with this post? Thanks for letting us know. If you can point us in the right direction...

  5. One person found this helpful
    Lizienne Maduro

    Tremendo buki

    Lizienne Maduro (verified owner)

    Amen cu sanger ta un buki nice skirbi unda ta lagabo sinti diferente emocion, como contento, tristo, desapunta, miedo etc. Un buki cu mientras bo ta lesa, mas y mas interesante y curioso bo ta bira pa sa e storia di Alex.

    (1) (0)

    Something wrong with this post? Thanks for letting us know. If you can point us in the right direction...

  6. One person found this helpful
    Daniel Diaz

    Review - Amen cu Sanger

    Daniel Diaz (verified owner)

    Un bon buki skirbi cu un storia hopi interesante. E buki ta duna bo un sentimiento caribeño unda bo ta sinti bo na cas, den caso si bo ta bibando den exterior manera na Hulanda. E storia ta wordo conta na un manera cu bo ta keda hopi curioso durante varios momentonan y esey ta haci e buki aki hopi special cu bo kier caba di les’e lihe.
    Mi lo recomenda 100% pa tur hende lesa e buki.
    Un bon trabou!

    (1) (0)

    Something wrong with this post? Thanks for letting us know. If you can point us in the right direction...

  7. Ahmorry

    Review - Amen cu Sanger

    Ahmorry (verified owner)

    E ta un super nice buki pa lesa. Mi lo recomenda tur hende pa les’e y e tin un nice story su tras cu algo no ta normal ainda pa hopi hende; e ta scondi. Pero no tin palabra pa bisa con e ta hinka den otro etc.
    Hope cu ta bai tin mas buki di bo.
    Good job!

    (0) (0)

    Something wrong with this post? Thanks for letting us know. If you can point us in the right direction...

×

Register

Continue as a Guest

Don't have an account? Sign Up