Amen cu Sanger

Amen cu Sanger (Ebook)

15,00
Quick View
Add to cart
Amen cu Sanger

Amen cu Sanger (Hard Copy)

‘Amen cu Sanger’ ta conta e storia di Alex; un hoben homosexual cu ta lidia diariamente cu e homofobia di un bario conservativo y religioso.  Obsesiona pa recupera e amor di su mama, e ta lentamente cuminsa perde su mes den e sombranan di su mente. Prisonero di un bida violento, e lo siña cu tin un scuridad hopi mas profundo cu esun di anochi, un scuridad hopi mas perturbador cu esun di cieguedad. Un scuridad cu ta reina for di e profundidadnan infecta di curason y almanan indoctrina. Amen cu Sanger ta un buki cu ta pusha e baricada confortabel cu ta existi den Aruba su cultura literario. Cu topiconan manera sexualidad, violencia, religion, depresion y prostitucion, … e buki ta tribi di hinca dede den e heridanan di nos comunidad.

20,00
Quick View
Add to cart
Canto di Lama - Poesia na Papiamento

Canto di Lama (Ebook)

Cu un interesante compilacion di poema bou di e titulo ‘Canto di lama’ (2018), e escritor Arubiano Joe Fortin a debuta como poeta. E tema di su poemanan ta entre otro, soledad y amistad, melancolia y deseo. Joe fortin ta uza un metodo di autoreflexion, combina cu recuerdonan y elementonan di naturalesa pa trece cada poema den e obra aki na bida. Su inpiracion ta bini for di susesonan di tur dia como tambe su deseonan di algun dia por bolbe bek su cas; Aruba.

9,99
Quick View
Add to cart
City Store - Literatura na Papiamento

City Store (Ebook)

City store (2013) ta e prome obra literario di e autor Arubiano Joe Fortin y ta contene 11 storia cortico cu ta mescla diferente realidad cu e mundo di fanatasia y (mal) soño. E obra ta contene temanan misterioso y interesante cu sa di captura e atencion di e lector na tur momento. Alabes, Fortin ta inclui tambe topiconan cu ainda ta taboo den nos sociedad; manera homosexualidad y personanan transgenero.

J.L. Fortin a studia Latin American studies y a gradua den e ramo literature actual na Universidad di Leiden. E ta investiga literature di Aruba skirbi na Papiamento a base di teorianan literario y filosofico. Joe Fortin a yega di traha pa e revista Alerta, Vereniging van Letterkundigen y Stichting Simia Literario

9,99
Quick View
Add to cart
Literatura na papiamento. E caya di Monche.

E Caya di Monche [Ebook]

E Caya di Monche ta conta e storia di Monche; un imigrante cu a bin biba na Aruba tempo cu e tabatin 10 aña. E obra ta sigui e aventuranan di Monche den su bida nobo na Aruba. E lector ta ricibi no solamente un bista ariba e experencianan di Monche, sino tambe di e diferente tipo di personanan cu tabata biba den e ‘Caya di Monche’. E ta describi e comunidad singular cu a biba den Elleboogstraat entre 1940 y 1965. Nan a comparti cu otro no solamente nan idioma, sino tambe nan cultura, tradicion, custumber y gastronomia. E tin di haber cu presencia di e prome ola di inmigrante Latino Americano cu a bin establece na Aruba. Tambe di otro nacionalidad cu a convivi den e caya marginal aki localisa den pleno curason di Playa.

9,99
Quick View
Add to cart
Tartamudo - Literatura na papiamento

Tartamudo (Ebook)

Tartamudo’ ta contene diesdos storia cortico cu ta mescla diferente nivel di realidad. E storianan ta hiba e lector den un laberinto di duda sin salida cu e intencion di confundi y despista. ‘Tartamundo’ ta conta con e personahenan ta perde control riba nan bida cotidiano y ta bruha e diferente realidadnan cu nan fantasia y deseo. Ta existi duda entre loke ta pasa di berdad y loke ta djis un creacion di nan mente. Mientras cu nan ta desea di por pertenece, cada bes nan ta distanciando nan mes, combirtiendo den sernan solitario cu pasionnan straño y excesivo.

9,99
Quick View
Add to cart
Trabao a habri na cuba

Trabao a habri na Cuba (Ebook)

[E-BOOK] Trabou a Habri na Cuba ta un documentacion informativo di e bida, speranza y tragedianan di Arubianonan cu a riesga nan bida ariba lama, pa por bay traha na Cuba na comienso di siglo XX. E obra aki ta un coleccion historico di memoria, potret y cartanan cu ta duna nos un idea di con nan bida tabata prome, durante y despues di a traha ariba e Azucarerosnan di Cuba. E ta un obra emocional, tristo y informativo pa tur cu ta desea di siña mas tocante e Historia di Aruba. Trabao a Habri na Cuba ta toca temanan di relevancia actual, manera Migracion, Racismo, Colorismo y relacionnan entre e Islanan di Caribe y Gobiernonan Colonial.

9,99
Quick View
Add to cart